مبرمج روسي يصنع برنامج اعجوبه و ينشر السورس مجانا علي الانترنت

مبرمج فى شركة روسية راح شركة تانية فا أكتشفوا بعد ما مشى إن أى حاجة روتينية كانت ممكن تاخد من وقته دقيقتين كان بيكتب ليها اسكريبت علشان تتعمل تلقائياً!

- لو فضل شغال فى المكتب (اكتيف على السيرفر) لبعد الساعة 9 بالليل، رسالة بتتبعت تلقائي لمراته تقولها إنه هيتأخر فى الشغل وتختار سبب عشوائي من بين مجموعة أسباب هوا محددها قبل كدة

** الإسكريبت مسميه smack-my-bitch

- في أيام العمل اللي محددها لو معملش لوج إن وفضل إن أكتيف على السيرفر لحد الساعة 8:45 الصبح، إيميل بيتبعت تلقائي يقول إنه تعبان أو هيشتغل من البيت ويختار سبب عشوائي من بين مجموعة أسباب هوا محددها قبل كدة

** الإسكريبت مسميه hangover 😅

- إسكريبت بيعمل scan تلقائيا للإيميلات اللى بتيجى من شخص غالبا شغال معاه وغبى وبيغلط كتير وبتدور على كلمات معينة زى "مساعدة أو مشكلة أو أنا أسف" ولو لقاها بيبعتله رد تلقائي "ولا يهمك، خد بالك المرة الجاية" وبيروح للسيرفر ويرجع أخر نسخة إحتياطية لقاعدة البيانات

** الإسكريبت مسميه kumar-asshole (كومار دا اسم الشخص)

- أجمد واحد بتاع ماشين القهوة، الفشيخ انهم ماكانوش يعرفوا فى الشركة أساسا ان ماكينة القهوة متوصلة على السيرفر، والجامد بقى إنه لما بيحب يشرب قهوة بيفتح telnet سيشن للماشين بعد 17 ثانية وبيعمل run لفانكشن بتختار كافيه لاتيه حجم وسط وبتعمل ديلاى 24 ثانية قبل التنفيذ وال 17+24 ثانية التأخير دول هما الوقت اللى بيحتاجه من مكتبه لحد ما يوصل لل coffee-machine

** الإسكريبت مسميه fucking-coffee

الكود كله على GitHub واللينك فيه تفاصيل أكتر https://github.com/NARKOZ/hacker-scripts