طريقه عمل التورته

كلنا عارفين ان التورته بتتعمل من السبونج كيك والسبونج كيك فى ناس كتير مش بيظبت معاها فابتكسل تعمل كيك لا انا هاقولك على طريقه سهلة نعمل بيها التورته

الطريقه : احنا هانعمل كيكه عاديه وهى عباره عن (المقادير هنا بمج الشاى الشفاف العادى تقريبا فى كل بيت )

3 بيضات كوب وربع سكر كوب الا ربع زيت كوب حليب ظرف بيكج بودر فانيليا وكوب ونص دقيق كل مايكون الدقيق قليل كل ماتكون هشه واسفنجيه وكمان كل ماتكون الصنيه اصغر كل ماتكون الكيكه اعلى

هانضرب البيض والسكر والفانيليا بالمضرب اليدوى العادى لغايه مايغير لونهم الى الابيض ثم نضيف الحليب ثم الزيت ونخلط قليلا ثم الدقيق والبيكج بودر ونخلط بالمضرب ونضعهم فى صنيه مدهونه زيت ودقيق وعلى الفرن

التزين هنا مالوش طريقه على حسب الرغبه وزى مايحب كل واحد

انا مثلا بعمل كستر على كريم شانتيى بيبقى طعمهم حلو اوى مع بعض وبحشى بيهم والفاكهه المعلبه باخد منها الشربات وبسقى بيها الكيكه الاول بعد مااقسمها نصين وحط كريم شانتى المخلوط بالكاستر والفاكهه المعلبه (الكمبوب ) وحط النص التانى من الكيك وازين بباقى الخليط و ممكن نزين بفاكه طازه زى الفراوله او شكولاته يعنى زى ماتحبى